Domanî

 Dinya bedelîya, 

    Her çî a şewe qewemîya...

    Şewêke de dinya bedelîya...

    Perey konferans de derheqê heqanê domanan ameyêne qiseykerdene. Prof û zanyarê babete derheqê domanan de qalanê xo bi ziwanêko viraşte ardine ziwan. Profa ke derheqê başîya domanan de bi desan kitabî nuştê bi vîdeoyêka demanê şerê cîhanê ya dîyine dest pê kerde. 

    Vîdeo de domanî sey karker, şerwan, leşker û objeya îstîsmarî ameyêne nîşan dayene. Diba qalanê xo de seba domanan xebat û ewnîyayîşê rojevî ard ziwan.

    Gorê qalanê aye, domanî verî bêqîmet û talûke de bî. La ewro domanî dinyayêka ya viraştîye de yê. Derheqê başîya domanan xebatî yênê kerdene. Gorê demanê verênan domanî dahîna biqîmet û verê çiman de yê. Kes, sey verî, nêeşkeno serê domanan de bi asanî îstîsmar û îhmal virazo. Demanê ameyoxan de rewşa domanan do dahîna baş û weş bibo. Domanî vera vera kewenê verê çiman û dinya qîmet dana înan. Siba rojêk, do kes nêeşko heqanê domanan rê astengî virazo. Domanî mîyanê rewşêka weşîye de biciwîyê.

    Vizêrî, Konferans ra dima...

    Welatê ala di rengîne eşt serê welatê ala hîrê rengîne. Bombeyan, bi leqanê xo yê gonênan erd kena, dêsî raşanayî, merdimî kiştî. Dima welatê peyê behrê pîlî eşt serê welatê ala di rengêne. Welatê bînî da welatê peyê behrî ro. Yê bînî da yê natinî ro, Yê wetênî da yê verênî ro...

    Çi bi çi qewêmîya peyênî peyênan de adir şi hewna......

    La domanî mîyanê hewnaşîyayîşê adirî de bi dest û rî sîyayîya xo karkerî û xulamîya merdimatîye kerdine...

    Dinya bedelîya.... Cûye bedelîya...