Kayıtlar

Veyva Vaşan

-
Resim
 Wesarî şilîye kerdêbî esparê vayanê xo ardibî wareyê welatî. Welat şew û roj binê hukmê şilîye de mendibı ke, her çirika dereyî ra awe bîyêne çir û herekîyayêne. Xetanê awe her cayî kerdêne gane. Her ca ra boyê vaşan bîyêne berz û bîyêne vila. Sîyayîya herre bibî vindî. Rîyê erdî seke bêro boyaxkerdene şîn kerdêne. Darî zî na şînayî ra para xo wedartine. Verî, gilanê huşkan zîl da, dima zîlan xo akerd û bî pelî. Mîyanê pelan ra vilîkan sereyê xo hêdî hêdî vetêne. Tayê wext ra dima darê huşk û pûçî sey zîyara omidê welatêke pistinê xo de bar kena xemilîyayî. Her hetî wareyî de xemilîyê sûrî, zerdî, sipeyî, pembe û binevşî bi boyanê xo moz û zerqetikan kerdêne serxoş û dewrê xo de cezbê moz û zerqetikan dayêne kerdene.      Serê herre wareyî de tewir bi tewir vaşî zî rîyê erdî dirnabî û sere wedartibî. Pelanê xo sey destan asîmanî reyde akerdêbî. Vaya wesarî înan têşanayêne û boya înan kerdêne vila. Wina bîyêne ke  mêşê hengemênanî ke hima zereyê texteyanê xo de ...
Yorum Gönder
Devamı

Travma

-
Resim
     Ez nêeşkena dejanê domanîya xo ra raxelesîyê. Çi wext ez seba cuya xo neqebê gamêka taybete de bi, dejê domanîya mi vernîya mi gêna û mi rê bena asteng. Ez nêeşkana na astengî ra raxelesîyê. Ez ageyrena kamcîn hete travmaya mi yêna verê çimanê mi. Heşê mi tewêno, ziwanê mi beno giran, laşê mi vera vera beno germên, destê mi, qirika mi, binê çenganê mi ra areq sey layê koyan herekêno. Boyêka xirabe yêna zinca min, seke na boye laşê mi ra yêna, ez kewena stress. Seke reyna ezo bikewê xeletîye. Ez hes kena ke her çî pê destanê mi do bixerepîyo.      A game, hewesê mi qedêno, fekê mi beno  ziwa. Ez nê wextan de bêrîya verarda maya xo kena. Domanîya mi de maya mi, timûtim mi pawitêne, nêverdayêne tersê mi heta peynîya dinya biramo. Mi kerdêne veranda xo û tersê mi bîyêne kemî. Nika maya mi zî dûrê mi de ya. Ez nêeşkena xo biresnê verarda maya xo. Tersê mi nêqedêno. Ez kewena binê hukmê tersê xo. Wext xetemêno. ez xetemêna.      Çend wext...
Yorum Gönder
Devamı

Qirmê Gozêre

-
Resim
         Vaye pelê gozêre têşanayêne...       Xişinîya pelanê gozêre hewnê simoreyî heremnayêne. Simore qula xo de xo geveznayêne, la nêeşkayêne şêro hewna. Vaye her hetê gozêre sehnayêne. Destanê xo her çiqrê gozêre de çarnayêne. Seke dimayê rêça simoreyî bo, gam bi game ver bi qula simoreyî ra ameyêne. Yan zî simore bi nê fikrî qayîl bi. Kerdêne nêkerdêne, nêeşkayêne bi xo. Na rey resabi peynîya raye. Zerra ey ya nêkewena mîyanê di piçîyan kerdêne qafika xo ra bipero teber. Kulpînîya zerra ey goşanê ey kerdêne kerr. Recefê laşê ey, muyê ey yê werişteyî, goşê ey yê vîtî, pawayê wextê mergê ey bî. A linga ke destêke bikewtêne zereyê qule û bi lepê xo qevda  milê ey tepiştêne. Sey şurî ey qula ey ra antêne. O zî sey guleyî qula xo ra kerdêne şiqînî û vecîyayêne teber. O wext xelasîya ey çinî bî.      Gelo o wext kamî rê lome bîyêne. Kam ke ey dabi dest, gêra lomeyî zî serê ey de bîyameyêne kerdene. Çend serrî yo ke na qula ...
Yorum Gönder
Devamı

MERG RA

-
Resim
                                                        Vaye heta serê sibayî şibakanê banê înan kuwa. Ziminîya şibakan û guvinîya vaye hewnanê înan heremnayêne. Vaye, barê xo yê serdinî serê banê înan de rokerdine. Vaye derûverê banê înan lêfnabi. Serê koyan ra û deştanê xerîban ra vewra serdine dabî dimayê xo û ardibi dewrê banê înan.         Şewe seba înan sey serran, seserran derg amebî. Vaye sey pukeleke tozê vewre şibakan ra, berya ra, teqanê dêsan ra tehna zereyî dayêne. Înan zî xo ver dayêne û germîya serê zerra xo temernayêne. Qulan girewtine, şibakan padayêne, binê beryayî pê sungerî şedinayêne.       Heta serê sibayî înan û  vaye yewbînan berd û ard. Gama Roj  serê koyanê vizêrînan ra xo mocna, ê zereyê banî de xo ra kewte bî. Vaye bibî siste. Pukeleke zî vewre sîneyê koyan ...
2 yorum
Devamı

MERGÊ DI BORANAN

-
Resim
       Domanîya xo ra heta nika, bi qalîkerdişanê cinîyanê qehremanan bibî pîle. Ez pîle vana, la gorê endamanê welatanê bînan hima domane ameyîne hesabnayene. Eke welatêkê bîyanî ra bibayîne, do hima bişîne dibistane. Tena sereyê xo nêeşko şêro banka ra serê nameyê xo hesab abikero. Yan zî bê pîlanê xo nêeşko sukêke ra şêro suka bîne.      Awa welatê aye nêmanayîne awa welatanê bînan. Tîya de awe merdimî nêkena bitir la hetê berpirsîyarî ra barê heran dana serê paştîya merdimî. Na ra bi ke aye zî bi nê emrê xo yê domanîye de barêko giran dabi serê paştîya xo. Wa, şaş fehm nêbo no baro giran nika parê aye nêkewt. Gama sereyê domanîya xo de bî, derûverê aye de şer dest pê kerdibi. Welatê aye bi sifreyê sîyayî ameyêne temernayene. Seke binê nê sifreyê sîyayî ra tû xirabîya dest û rî şiteyan nêasano, werteyê welatî ra binê sifreyê sîyayî ra layêko gonên herekîyayîne.      Şew û roj qalê nê layî bîyameyêne kerdine zî ne welatê girdan ne zî w...
1 yorum
Devamı

MERGÊ MI

-
Resim
              A şewe, ez û dîkê ma yê purtxemilnaye pîya merdî. A şewa hamnanî ya germêne de, ez domanîya xo der merda. Ez nêmerojî mîyanê pirizeyê xeleyî de qerqelîyayîne, Dîkê ma yo qure zî kuçeyê pêyê banê ma de qerqelîyayîne. Meyîtê ma a şewe binê elîya banê apê mi de pêresayî. Heta pêresayîşê meyîtanê ma, dîkê ma amebi purtkerdene û girnayene. Her hetê dîkî zereyê sehenanê nefsanê keyî de amebi parekerdene. Ez zî nêmerojî mîyanê pirizeyî de kewtbîya. Palayanê xeleyî mi kerd esparê herê şamî û şawitbi keye. Herê şamî çi wext resabi keye, nêno vîrê mi. Ez senîn resaya verê keyî, senîn herî ra kerda war û şîya wedeyê banî, qet nêno vîrê mi.               Tena vîrê mi ra nêşino ke, ez nêşibîya wede, bişaşî dekewtabîya mezelê binê hewt qatan. Demo nênozaneyişî ra heta şewe wextê pêresayîşê ma ez wede de bîya. Zera mi xemîyayîne, Serê laşê mi bibi rayirê halînê morceleyan, çermê laşê mi gizgizîyayîne. Dêsanê bi h...
1 yorum
Devamı

Domanî

-
Resim
 Dinya bedelîya,      Her çî a şewe qewemîya...     Şewêke de dinya bedelîya...     Perey konferans de derheqê heqanê domanan ameyêne qiseykerdene. Prof û zanyarê babete derheqê domanan de qalanê xo bi ziwanêko viraşte ardine ziwan. Profa ke derheqê başîya domanan de bi desan kitabî nuştê bi vîdeoyêka demanê şerê cîhanê ya dîyine dest pê kerde.      Vîdeo de domanî sey karker, şerwan, leşker û objeya îstîsmarî ameyêne nîşan dayene. Diba qalanê xo de seba domanan xebat û ewnîyayîşê rojevî ard ziwan.     Gorê qalanê aye, domanî verî bêqîmet û talûke de bî. La ewro domanî dinyayêka ya viraştîye de yê. Derheqê başîya domanan xebatî yênê kerdene. Gorê demanê verênan domanî dahîna biqîmet û verê çiman de yê. Kes, sey verî, nêeşkeno serê domanan de bi asanî îstîsmar û îhmal virazo. Demanê ameyoxan de rewşa domanan do dahîna baş û weş bibo. Domanî vera vera kewenê verê çiman û dinya qîmet dana înan. Siba rojêk, do kes nêeşko heqan...
Yorum Gönder
Devamı